Sigríður Ásta Olgeirsdóttir

Sigríður Ásta er útskrifaður leikari frá Copenhagen International School of Performing Arts. Áður hafði hún lært söng við Söngskólann í Reykjavík og Tónlistarháskólann í Vínarborg.

Sigríður hefur frá útskrift verið áberandi í sviðslistum á Íslandi sem leikari, höfundur og söngvari auk þess að hafa starfað sem leikkona fyrir hópa sem starfa á alþjóðlegum vettvangi, t.a.m. Handbendi, Bíbí & Blaka (Bird & Bat) og Reine Mer.

Vorið 2025 stimplaði hún sig inn sem leikkona í hlutverki Marlene Dietrich í verkinu DIETRICH í Sjálfstæðissalnum við Austurvöll, en Sigríður var einnig höfundur og framleiðandi sýningarinnar.

Sigríður er að hasla sér völl sem kvikmyndaleikari á Íslandi og fer um þessar mundir með hlutverk í þáttunum Bless bless Blesi, FJORD og Ljúfa líf.

Sigríður var tilnefnd til Hvatningaverðlauna Grímunnar 2025 fyrir störf sín í íslenskum sviðslistum á leikárinu 2024-2025.

Sigríður er listamanneskja Borgarbyggðar árið 2025.

Einleikur hennar, Hulið, vann BNFN verðlaunin á RVK fringe árið 2023.

Sigríður talar íslensku, ensku, þýsku og dönsku. Hún getur einnig bjargað sér á öðrum skandinavískum tungumálum, ítölsku og frönsku.