Kolbeinn Sveinsson

Kolbeinn Sveinsson (f. 1998) er annars árs nemi á leikarabraut við Listaháskóla Íslands. Hann er annar helmingur tónlistartvíeykisins Sprite Zero Klan og starfaði áður sem hugmynda- og textasmiður.

Samhliða tónlist og auglýsingagerð hefur Kolbeinn víða komið fram sem leikari og skemmtikraftur, m.a. í Eurogarðinum á Stöð 2 (2020), söngleiknum Hlið við hlið (2021, enduruppsett 2024), Áramótaskaupinu (2018), sem rödd Reykjavíkurmaraþons Íslandsbanka (2024) og sem kynnir Söngkeppni framhaldsskólanna á RÚV (2024). Kolbeinn lauk nýverið tökum á sjónvarpsþáttunum Flóðið, sem vænta má á Sjónvarpi Símans von bráðar, og kvikmyndinni Hvar er draumurinn?, sem væntanleg er í bíóhúsum um miðbik árs 2026.